央聘逾萬卷 批改非委員
公僕有幾多 問極唔知點
中央招聘效率差強人意，公共行政事務跟進委員會做嘢，傳媒早有準備，豈料行政法務司司長陳麗敏、公職局長朱偉幹雙雙甩底，只派近年鮮有在立法會打前鋒的副局長馮若儀上陣。會議開足兩個鐘，政府只重複了五次央聘的進度、數據，其他就三緘其口。傳媒“O嘴”之餘，連主席陳明金都感無奈，提出了兩個“唔明白”。
昨日會議冇收穫，委員會嫌政府準備不足，陳明金向傳媒介紹會議內容到尾聲，更苦笑地提出兩質疑：第一、中央招聘逾萬張試卷並非由典試委員會批改，反而要聘請幾十名公職局人員改卷，“我有啲唔係幾明？”
第二，管理公務員事務的行政公職局，竟然掌握唔到現時政府有多少個公務員。二○一一年底有二萬八千一百二十人，一二年底有二萬九千二百一十四人，一三年底有二萬九千九百六十五人，一四年六月就有三萬○五百一十五人。上述數字只包括編制內、編制外及個人合同，但包工合同、提供勞務及退休人士等就冇數據。“作為公職局，呢啲人員都掌握唔到，我又有啲唔明？”此語再出，偌大的會議室旋即沉寂十多秒，無人接到口，只有輕輕的偷笑聲，但笑中有淚。
本報記者