陳安瑩與男友分隔兩地
陳安瑩日前亮相香港開電視《開工大吉77》節目，接受苑瓊丹訪問。她指苑仔是“大家姐”，因曾在劇集中飾演兩姊妹：“戲行好多前輩都好錫我，好似鄧碧雲嘅媽媽係我媽咪嘅契娘，所以我叫佢做姨媽，而關德興師傅就係我契爺。我小朋友時，梁醒波、何非凡、李寶瑩呢啲前輩睇我唱戲，呢啲係好珍貴嘅回憶，但我都冇咩同人講過。”安瑩話當年冇靠人脈，自己考訓練班入行。
“爛做”的陳安瑩笑言不是富婆，安於做演員崗位：“雖然我有試過爆騷，但我又唔係做主角，又冇爭過要做主角，專心投入工作。亞媽話過三十歲之前唔好結婚，呢句嘢入晒腦，依家男友係圈外人，咩名就唔好講啦！我地係初戀，由十八歲拍拖到依家，大家都冇晒結婚嘅慾望。依家佢長居內地，有朋友問我怕唔怕佢包二奶，我都惗咗一惗，自己照顧唔到佢，有人煲湯畀佢都唔錯呀。”