拍新歌MV演技催淚
陳涵林搞喊現場人員
獲“涵耀星際”力捧、年僅十九歲美籍華裔女新人陳涵林(Karen)，繼去年推出了兩首單曲《風給的約定》及《當我變成了我們》後，最近再完成第三首個人單曲《餘熱》。定居美國候斯頓的Karen本來計劃在美國拍攝《餘熱》MV，但因疫情關係，一直被滯留在內地，未能飛返美國，所以索性留在內地繼續工作及拍攝MV。日前她進行MV拍攝工作，演技出色甚至感動在場工作人員。
Karen雖然年紀輕輕只得十九歲，但在MV中演繹戀人分開後的遺憾與不捨，發揮得淋漓盡致，再加上Karen大氣沉穩，富有磁性的聲線，完全演繹出戀人分手的傷感。甚至催淚得拍攝MV時，有現場工作人員被Karen的歌聲及演技投入而感染流出眼淚，變成催淚MV。
被問是否因為有豐富分手經驗，所以特別投入，Karen笑說：“其實我真係冇乜拍拖經驗，可能聽得多啩，好多同學、朋友失戀，都會搵我傾訴，可能將佢哋經驗投入咗及幻想入去，哈哈，真係完全估唔到我啲演技及歌會搞到人哭，搞到催淚。”
《餘熱》講述戀人分手後傷心及沉重的心情，痛心遺憾的背後，透過歌曲安撫所有在戀愛中受過傷的情侶，記憶儘管殘留餘熱，大家哭過之後明天又是新一天。
十九歲的Karen如何睇失戀呢？她說：“我真係冇乜經驗，不過我好認同其中一句歌詞‘開心一點、自私一點、未嘗不可，唏噓和痛哭之後，明天又是嶄新的一天。’可能我性格比較樂觀，大哭一場之後，轉頭就會冇事，我始終覺得時間可以治療傷痛。”