洪嘉豪冀提升演出水準
歌手洪嘉豪、曾若華(Jude)應香港開電視節目主持人馬梓軒邀請拍賀年特輯,兩人齊估賀年歌,又利用響鈴、沙槌和木魚配合獻唱大搞氣氛。
Jude坦言最愛新春佳節的熱鬧氣氛,並帶同愛犬四出拜年:“上年開始,鄰居會畀利市我的狗,我亦會封畀狗狗,當係小朋友嘛!”嘉豪最愛品嘗母親炮製的糕點,更大讚媽媽廚藝了得:“我媽咪整蘿蔔糕好叻,加上材料好足,佢整的蘿蔔糕同外面的真係無得比!不過食得多都會面對一個問題,就係會好肥!”
談及對鼠年的展望,Jude期望有更多新歌推出,嘉豪則希望演出水準能有所提升:“我想表演上可以做得更全面,以往有的歌屬比較抒情的慢歌,只要集中唱好歌就可以。但當唱快歌時候,要兼顧的唔止係唱功,仲有肢體動作,希望今年可以改進這方面。”