又見港姐呻窮
眞係“攞命”的娛聞，現任港姐冠亞季軍，天之驕女，同聲一喊——入不敷支，要靠積蓄度日。“一登龍門聲價十倍”改寫了；“飛上枝頭變徬徨”是眞！
冠軍黃嘉雯自己講：“當選港姐後，受社會動盪影響，零商演，沒有收入。不過，現在正忙於台慶及慈善工作，我哋都有底薪的，不算零收入。”黃嘉雯直認入不敷支，要食老本，“入行前我有工作，現在拿積蓄來用。”港姐養不起自己，呢個世界乜嘢事都可以發生，不由你不信。生活有冇困難？“咁又冇，希望可以盡快習慣新的生活模式。（冇工作，便可以成日陪住男友？）唔係成日黐住男朋友，都有約其他朋友的。”
港姐亞軍王菲，亦靠底薪過活，此情此景此心情，商業停滯，一登龍門聲價十倍又如何，零商演。“經濟上，只是自己使用都OK，畀唔到家用，幸好屋企人好體諒。（有男友支持？）咁又唔使，佢得閒請我食飯、車吓我咁啦。”
季軍古佩玲，選港姐時仍是大學生：“入行後首嘗出糧的喜悅。讀大學時未試過自己賺錢，第一次賺到錢好有成就感。呢個係第一步，希望將來都係靠自己努力賺錢。”
沒有港姐光環的束縛，落選的蔡嘉欣已擔任節目主持，有工開。“戥佢開心，佢係叻女。”冠軍港姐羨慕落選港姐，唔攞奬豈不是好過攞奬？“唔會，奬項係榮譽，完成今年的港姐工作，好快就有機會。況且還有一筆獎金，（獎金可以用到幾時？）豐儉由人，（出入慳家坐地鐵？）乘搭公共交通工具，只是為環保。”
以前，有“公屋港姐”，有“木屋港姐”。近年，較少見港姐呻窮了。TVB事前精挑細選，佳麗不是富貴人家，起碼都中產，以留學生居多。今屆冠軍黃嘉雯，去年已參選國際小姐，拍許多名牌廣告，曾與古天樂合作，能歌善舞，她有介紹周遊列國的網站。若香港社會回復正常，港姐冠亞季，想窮都難。講眞，競逐港姐的佳麗們，最大志願是發展演藝，在圈中闖出名堂。
高 梁