初為人母女兒為先
吳日言自爆餐廳餵奶
已為人母的吳日言，昨日出席新節目活動時，自爆目前為女兒餵哺母乳，為了餵飽女兒，她並不介意人們的目光，笑言曾在餐廳笠塊布就餵人奶。同場出席活動的董敏莉，同樣剛誕下女兒，她坦言仍未衝破到心理關口，未敢在公眾場合餵奶，表示要向吳日言多多請教。
昨日，吳日言（阿Yan）、朱庭萱(Bonnie)、董敏莉等出席資訊節目《媽媽唔易“造”》記者會。阿Yan受訪時分享了自己當初懷孕時情緒失控的經歷：“就有一次因為一點小事，我完全控制不了自己，就把自己關在廁所哭了半個小時，把我老公嚇壞了。”她又自爆做了媽媽後記憶力變差：“有一次同老公抱女兒出街，唔見咗內有身份證、車牌及信用卡的手袋，只好去警局報失。”身旁的好友董敏莉也笑言：“我都係做咗媽咪後變得大懵，有時連擦咗牙未都唔記得，只好再擦多次。”
吳日言又分享餵哺母乳的經驗，她表示：“囡囡已半歲，但仍要餵人奶，我現在為咗餵飽個女，已經可以唔介意其他人的目光，有一次去食自助餐，我笠塊布就餵人奶，只係囡囡被焗到成身大汗。”同樣已為人母的董敏莉聞言後坦言：“我仍未衝破到自己的心理關口，真係要向吳日言請教一啲餵人奶心得。”
另外，與姚子羚份屬好友的Bonnie，談起早前子羚被指搶別人老公之事時，表現得好嬲，她說：“我覺得呢次傳媒做法好唔應該，未求證就報道出來。（可擔心子羚有其他情慾照流出？）我可以拍心口話肯定冇，佢正常清醒情況下係冇影情慾相，瞓咗覺唔清醒情況下係得那一張。（可有替子羚不值？）我都識個男人，佢感情上非常混亂，先導致呢次件事發生，但應該唔係佢報料傷害子羚的，相信是另有其人。”