將再合作拍旅遊節目
蔡思貝甘為余德丞讓步
余德丞與蔡思貝這對緋聞情侶昨日一齊出席無線兒童節目活動，思貝笑指自兩人合作旅遊節目後，今次已榮升父母級。談到二人將再合作旅遊節目，余德丞表示希望獲安排到亞洲拍攝旅遊節目，提議到非洲拍攝的蔡思貝聞言後表示會遷就對方。
余德丞、蔡思貝、何依婷、伍樂怡、邱晴昨日出席無線節目《Big Big KIDs登場》發佈會。蔡思貝說：“呢個節目有五位小朋友會組一隊組合出道，我會教佢哋要同傳媒好好溝通，分享以前我撞板的經歷，等佢哋唔使重蹈覆轍。今日亦係搭關係，想佢哋日後邀請我上節目做嘉賓。”
余德丞很早以前也是擔任兒童節目主持人，被問會否在照顧小朋友方面以前輩身份教導思貝？思貝直言不需要他教導：“我照顧小朋友都有一手！我以前係德國讀書時要照顧小朋友三年，仲要一個照顧三個，所有煮飯、換片、接放學等家務我都識做，係咪好賢良淑德呢。” 雖然照顧小朋友是一件挺累人的事情，但思貝透露了一個小願望：“我一路以來都好想同小朋友合作，例如拍一套劇、演母女都好呀。”余德丞也大表認同：“其實小朋友嘅活力係我比唔上，同佢哋溝通可以激發身體消失的細胞。”
兩人自從一年前拍攝旅遊節目後便深受公司重用，常以情侶檔身分出席活動，雖然在鏡頭前經常打情罵俏“厭棄”對方，但原來已計劃今年再一起拍攝旅遊節目。余德丞透露：“我哋傾緊拍攝地方，因為我想近少少去亞洲地方，會感到較舒服，思貝就想去非洲。”思貝笑言這就是兩人的分別：“我係想體驗生活，佢就係享受生活。我哋兩個之間，我似男人，佢似女人，每次都係我讓步。”
余德丞去年曾突然昏迷，其後康復。被問到現時身體狀況？他謂：“身體都支持到出埠，依家主持緊生活節目，都要落手落腳到田裡做嘢。（唔使諮詢醫生？）唔使，到時叫思貝學定急救囉！”不過，他亦補充表示：“若真的出發，會先問醫生意見。雖然我已是百無禁忌，還是要有備無患的。”