兩個夠晒數
謝安琪唔做“生育工廠”
昨日,謝安琪(Kay)為兒童藝術活動擔任嘉賓,即場與小朋友用模型車的車軚繪畫,創意十足。
Kay受訪時大談湊女經,她表示:“囡囡呢個周五就一歲生日,時間過得真係好快。”談到老公張繼聰經常曬出與囡囡玩樂的短片,問Kay可會呷醋?她笑言:“當然唔會啦,一對仔女都係黐我多啲,佢只係認叻,因為佢經常出去開工,唔喺屋企。不過都好欣賞佢辛勤工作。”
Kay被問到復出後可會不捨得一對仔女?她表示:“其實我都未係正式全面復出,只係做一啲唱片錄音工作,時間分配上都可以應付到。(可有打算再追生小朋友?)相信不會了,因為依家嘅生活已經好充實。”Kay笑言囝囝當了她是“生育工廠”,以為她會不斷生小朋友,她說:“我都到咗呢個年紀,Kay工廠要光榮結業啦。我今年四十一歲,但人生下半場先剛開始,事業上想試多啲未做過嘅工作。”