與張寶兒首度過新年
袁偉豪準備行外母政策
袁偉豪、黃智雯、孫慧雪等一班演員,前晚齊聚火鍋店飯局兼劇集首播。另外兩位男主角陳智燊與郭子豪則缺席。袁偉豪表示對該劇播出期待已久,剛巧遇上農曆新年,所以一定要出席支持。
袁偉豪與女友張寶兒拍拖後首度過新年,問到可有帶女友回家拜年?他笑謂:“一定會帶女友回家見長輩啦。大家一直相處得好好,互相支持,雙方家長點諗唔知,我就唔敢諗咁多!”可有被催婚?他說:“冇咁快,但婆婆都有問。可能老人家比較心急,我就話隨緣。家人對寶兒的印象都好,佢係好女仔,人又咁甜。”他又自爆還未正式去女友家拜年,會否行外母政策?他說:“一定會有準備,都係心意啦。”
黃智雯表示今個新年忙於四出拜年,年初一也有去男友家拜年。問到可有被催婚?她笑說:“冇,但就話下一年唔派利市畀我喇。”她又謂有到好友胡杏兒家中拜年,派利市給契仔“Baby Lee”。何時輪到她派利市?智雯笑說:“我呢個年紀仲(扌+豆)利市都有少少唔好意思,但在父母眼中永遠都係小朋友。(父母想派畀個孫?)佢哋想我開心,隨緣啦!”
已為人母的孫慧雪表示原本想攜同半歲多的兒子Riley出席首播飯局,但因太多人和怕閃光燈閃傷兒子對眼,為免老公擔心要先問准老公,但他又怕醜不肯同行,所以前晚最終沒有帶兒子出來。
孫慧雪謂:“今年第一次帶BB去拜年,真係好有難度!要一早起身準備好食物,做完一輪工夫,我都已經腰骨痛。以前唔懂得體諒已為人父母的朋友常常遲到,但現在才會明白和體諒。”問到可會做全職媽媽?她表示會繼續努力工作,為兒子做個好榜樣。