入行前曾做售貨員
衛詩雅自爆被客人示愛
衛詩雅昨日性感打扮出席珠寶首飾活動，十分省鏡。
談到昨日活動的內容與珠寶有關時，衛詩雅表示：“我入行前是珠寶鑒證師，曾經做過鑽石買手，身上經常戴上幾百萬元的首飾，其實都幾驚。我亦試過在珠寶店做售貨員，試過有一名男士上前問我覺得店中哪條手鍊最靚，我代為挑選後，對方亦買下。之後我就收到他送來手鍊、花和卡示愛，嚇到我差點要報警，結果叫對方收回所有禮物。（這男士不夠靚仔？）不算是好靚仔啦，否則我應該嫁給他了，現在回想起來，都感到好浪漫。”
談到她有份演出的電影《海關戰線》流出拍攝花絮，片中她認真地聽從動作導演謝霆鋒講解揸槍技巧，衛詩雅大讚霆鋒不單止靚仔，又夠細心，演出時更表現專業。