尾場騷任賢齊上台
炎明熹獲讚未來天后
一連三場的炎明熹演唱會日前圓滿結束，最後一場演出，Gigi（炎明熹）感動得三度落淚。雖然發生了小蝦碌，不過更顯出Gigi執生能力提升不少，還得到任賢齊（小齊）驚喜現身，大讚Gigi是未來的天后。Gigi尾場個唱獲不少圈中人捧場，包括陳煒與丈夫陳國強、姜皓文、陳山聰與囝囝陳霆軒、李幸倪等。
Gigi尾場依然狀態大勇，落力地大唱大跳。不過打後空翻時發生了小插曲，正當她完成動作落地時，可能用力太猛被身上衛衣的帽“兜頭笠”，遮擋了視線，Gigi先露出可愛尷尬的笑容，再秒速整理衣服繼續跳唱，緩解了這個蝦碌場面。當晚亦是去年十月因颱風而取消的補場場次，Gigi問觀眾當時有沒有失望，得到全場大叫“冇”，立即笑讚歌迷思想正面。
當Gigi演唱《星語心願》唱到“讓你知道我愛你”的歌詞時，台下即熱情回應“我都好愛你呀”。她說小時候看電影《星願》，已經很喜歡電影的男主角，隨後唱出《對面的女孩看過來》，小齊突然現身合唱，歌迷驚喜得全場大合唱為演唱會掀起高潮。唱畢，小齊謙虛感謝Gigi畀機會自己做嘉賓：“ 因為我成間公司所有同事都好鍾意Gigi。噚日我喺新加坡做完演唱會返嚟，我啲夥計全部唔見晒，個個都嚟睇你，仲要一張飛都冇留畀我！同事們，聽住，聽日返工唔使咁早，好好享受今晚Gigi嘅演唱會。”
小齊笑謂Gigi與自己的女兒同一年出世，搞笑說：“人多嘅時候叫我小齊哥，唔好叫Uncle呀。”而Gigi就送上繡有小齊名字的水樽回禮：“我知你五月份開巡迴演唱會，所以揀咗呢個識自己煲水嘅水樽，非常方便，我都繡咗你個名喺度。”小齊自嘲年輕的時候仍會飲凍飲：“漸漸就用咗暖水壺啦，好多謝你。我真係成間公司都講，佢係未來嘅天后，希望大家都畀多啲機會Gigi。”最後小齊再為樂迷送上《我是一隻魚》，全場跟着和唱。