一哥：司長兩會訪部委唔識國情
政府、社團近年大興“國情研習班”，務求令更多澳人了解祖國政經發展、社情民意，但學員吸收多少，因人而異。國情熟悉程度難以量化？未必，“一哥”賀一誠自有辦法。以下內容，有些高官要“中槍”了。
換屆期間難獲實效
今年“兩會”適逢人事換屆、國家修憲、監察改革、機構改組，日程密集跨大半個月，政壇猛人、經濟巨頭、各省高官、部委領導雲集京城，開會、開會、開會還是開會，忙得一頭煙。但見本澳多位司長在“兩會”期間上京拜訪多個部委，一哥有話兒：“睇到報紙見他們上來拜訪各部委，但呢排部委好忙，好多嘢都係得個拜訪，唔會攞到實效，部委個個都派代表去各代表團聽會，點叫他們開會研究澳門所提出的問題呢？”“全中國最有權力嘅人都開緊會，主席團開了十一次會議，由習主席到整個國務院，所有部長、省長、書記都坐埋一齊，時間、工作量有得計。”一哥斬釘截鐵“這時間不是適合解決澳門具體問題的時間。”
一哥越講越起勁，“特別係今年，若對中國政治體制明白的話，有啲部委、領導都換埋、撤銷埋，新部長都未埋位，叫佢點答應你呢。要熟悉國情啦，一定要熟悉國情，咩叫中國體制，這很重要，否則好難攞到好效果。”
（北京十九日電）
本報記者 黃煒熊