朱智賢否認與謝東閔已婚
昨日，朱智賢（朱朱）應邀為敖嘉年主持的節目《健康關注組》擔任嘉賓，節目主題關注大眾精神健康。敖嘉年笑言：“大家唔好誤會，我請朱朱上嚟，唔係佢精神有問題，只係覺得佢經常冇乜精神，擔心佢唔夠瞓影響健康。”
朱朱受訪時，坦言最近重燃唱歌興趣：“我想跟好友蘇韻姿學唱歌，（係咪男友謝東閔唔想教你？）係我唔想佢教，因為我對住太熟嘅人會惡過頭。”
朱朱之前被林子善踢爆已經與謝東閔結婚，她立即否認：“子善亂咁講，真係冇呀，激死我。我哋暫時未有結婚計劃，屋企人又冇催婚，我仲有大把青春呢！”在旁的敖嘉年即取笑朱朱：“《健康關注組》應該要開一集講生BB嘅話題，我會催朱朱有仔趁嫰生。”