母親節孝敬媽咪外母
周吉佩面面俱到唔偏心
吉吉獲太太及一對子女撐場，寓工作於聚天倫。他說活動後偕太太和一對子女跟外母食飯慶祝，並透露太太每年都投訴沒有禮物，所以今年決定買護膚品送給太太，至於自己媽媽日前已食飯慶祝，亦有送媽咪和外母禮物，不會偏心。龍婷說活動後會做直播節目，跟粉絲一起過母親節。談到同一班《中1》生下個月再開騷，龍婷興奮地笑說：“都想畀成績表歌迷睇，到時會做啲未做過嘅嘢。”
吉吉指監製已叫他們各自準備“秘密武器”演出，到時會分組比拼。吉吉又透露昨日飛英國商演，太太會同行，演出後二人會留低遊玩過二人世界。顏志恒搞笑叫吉吉追多個小朋友，吉吉笑言與太太都不太想。
適逢當日是母親節，吉吉與支嚳儀之偕同子女到場，同樣已為人父的顏子桓，因細仔病倒患猩紅熱取消慶祝活動，他一臉擔心地說：“前晚細仔入咗醫院睇急症，但未有進展，所以太太再帶個仔睇醫生，令我好擔心，演出後都要趕去睇個仔，原本一家人打算夜晚慶祝都只好取消。”不過專業的顏子恆演出時仍然十分落力。
羅啟豪被問《中2》亞軍譚輝智獲獎後率先開個唱，可會羨慕？他說不會羨慕：“佢好叻，我好欣賞佢，我唔會羨慕反而替佢開心，佢都有問我意見。”至於他何時開騷，就要等公司安排。談到母親節，他說已跟母親慶祝，四十歲仍是單身的他，被問到媽媽是否最想他有拖拍作為禮物，他笑說：“媽咪知道我目前唱歌為重，（擇偶條件是否都要喜歡唱歌？）唔一定。”