黎彼得博流量講負面話
HOY TV廚藝比拼節目《領廚爭霸戰》初賽正進行得如火如荼，除了有主持蔣怡和評判Ricky和Jacky之外，日前還請來嘉賓評判黎彼得，第一場初賽題目是“媽媽的味道”。
說到媽媽的味道，Jacky讚賞有加，Ricky直言難食，所以自己才發奮圖強，成為一個出色嘅廚師。蔣怡直言自己父母都不懂得下廚：“其實我最記得就係嫲嫲煮嘅嘢食，因為我細個好鍾意食嘢，亦都成日肚餓，好似餓鬼咁！一放學返到屋企就即刻要食好多嘢，而我嫲嫲唔係畀啲小食我食，而係煮啲新鮮嘢畀我食，雲吞呀小籠包呀，總之就煮定各式各樣嘅點心等我返嚟，而家諗返都覺得好難得，全部都係手造，仲要每日都唔同款式，真係好有愛。”
黎彼得早前於自家網上頻道發表惹火言論，狠批“阿豬阿狗都開到演唱會”，他表示是故意的：“而家網上嘅內容如果唔係講負面嘅話呢，就冇流量，所以我係特登嘅，正面嘅嘢冇人睇。網上嘅人最鍾意亂噏，咁我咪畀佢哋亂噏囉，好似開Party咁。其實阿豬阿狗開演唱會真係唔關我事，我好少睇演唱會同埋出現喺後台，我最後一次睇演唱會，已經係因為胡楓嘅契仔張學友做《雪狼湖》。”