English 香港站
職位類型:
  


洪永城娶梁諾妍
        來源: 澳門日報          發佈時間:2021-6-12          流覽次數:217
分享到:

洪永城娶梁諾妍



婚紗照富創意又有趣


梁諾妍大爆在廁所被求婚經過


洪永城與梁諾妍同步在社交網官宣婚訊


兩人拍拖不久就同居


梁諾妍經常拖洪永城去長跑

    結婚照有創意又搞笑

    洪永城娶梁諾妍

    洪永城與女友梁諾妍前日在社交網同步官宣結婚喜訊,女方更大爆在洗手間求婚過程“笑到喊”。兩人早前秘密拍攝的一輯極有創意又搞笑的結婚照同時曝光。

    三十八歲的洪永城(Tony)與三十三歲的模特兒兼健身教練女友梁諾妍(Inez)拍拖兩年多,感情一直穩定發展,期間多次傳出婚訊。直至前日,兩人分別在社交平台正式宣佈:“我哋要結婚啦!”一對準新人早前更秘密拍攝一輯有創意又搞笑的結婚照,照片中的兩人雙手緊緊握在一起,面對鏡頭露出甜笑,畫面幸福甜蜜又溫馨。

    兩人分別在社交平台宣佈喜訊,並分享喜悅和感受。Tony說:“由一齊跑步、到傾電話、睇日出、拍拖、不作計劃的旅行、到扮嘢逃避跑步、通宵睇動漫、同居、到我們至愛Coco(愛犬)離世、到開工連晚安早晨都沒有機會同你講、到今日一齊攜手踏上我倆的新旅程。好在有你,緊握我手!我希望一世都有你在身旁,追到你是我的僥倖,娶到你是我的福氣。Let 's Get Married!”

    Inez寫道:“下半生手拖手,繼續一起跑下去,繼續跑去世界每個角落!感恩遇到你,常常帶給我歡樂,照顧我、陪我通宵睇動漫、睇網球比賽、工作上的互相扶持。願餘生我們也要一起笑住過!我們結婚啦!”

    一直被指係“冇腳雀仔”的Tony,與藝人唐詩詠自一七年分手後,一八年底與Inez因跑步而結緣,拍拖不久已展開同居生活。去年底有傳Tony已向女友求婚,但他卻否認,直至前日才突然宣佈婚訊。

    一對準新人亦已於早前秘密拍攝了一輯富創意又搞笑的結婚照。兩人均是熱愛運動之人,所以結婚照也甚具動感。其中一款是二人穿背心T恤、 短褲加波鞋在運動場上飛躍而起,最搞笑是Tony以白T恤配煲呔;另一款則是在湖邊的溫馨鬼馬相,一身背包行山Look,兩人雙手緊握在一起,寓意手拖手、今後一起笑住過。

    準新娘子Inez透露求婚過程既搞笑又感人,她笑說:“求婚過程係好好笑、好多蝦碌發生,係在佢屋企廁所求婚,成個過程我係笑到喊,不過好感動!有晚,佢拍完劇返屋企,就入咗廁所一陣再出來。到我人有三急入廁所,佢又跟住我入廁所。當我打開廁所門,原來佢佈置咗一個攝錄機、洗手盆放咗微型燈泡、有一束鮮花,鏡上貼咗心形卡,仲寫上Marry Me?我好笑又感動。我問佢,點解要在洗手間求婚?佢話知道我一定會去洗手間!最好笑係佢拎隻戒指出來求婚時,我話我真係好急!你等一等,我去完廁所先。結果佢要等我辦完大事再求婚,我就Say Yes!”

    近日正忙於拍新劇的準新郎Tony,透露年初已向女友求婚:“覺得現在是合適時間公佈。”至於婚期落實幾時?他表示會忙到七月,稍後有消息就會同大家公佈。問到是否因為想做爸爸所以結婚?Tony不否認:“如果可以做爸爸真係好開心!都係一件好美好嘅事,會努力。”他表示身邊的朋友都已結婚好耐,所以同Inez有共識公佈喜訊:“有佢喺我身邊係好開心!呢幾年環境都好唔穩定,大家好想互相扶持,好開心可以同佢成為夫妻。”



網站主頁  |   人才求職  |   企業招聘  |   培訓頻道  |   新聞中心  |   Talk853.com  |   Bid853.com  |   關於我們  |   聯繫我們
鄭重聲明 :本網只提供公司和求職者之間一個網絡交流平臺,不涉及任何公司與求職者之間的勞務關係.
未經澳門人才網同意,不得轉載澳門人才網之所有招聘及相關信息
Copyright© 2005-2021  澳門人才網(www.Job853.com). All rights reserved.    法律顧問:麥興業大律師樓
Powered by 澳門長江網絡有限公司(互聯網服務牌照01/2007)