江欣燕爆曾與黃百鳴夜酺
黃百鳴與陳欣健在昨晚播出的無線節目《友乜唔講得》擔任嘉賓，先以“夜酺”打開話題。原來主持之一的江欣燕（欣欣）與黃百鳴曾經一起酺過，欣欣又大爆百鳴哥對於自己一手發掘的“開心少女組”十分好，還會派零用錢給她們用。黃百鳴：“我有帶佢哋去台灣宣傳，因為夜晚我要應酬片商，一定係飲酒，我唔想佢哋去，就畀低啲零用錢佢哋，叫佢哋喺酒店叫room service，我後來一睇張單，咁貴嘅？原來班友又龍蝦又香檳，我喺酒店都係食碗牛肉麵口架咋。”
至於陳欣健(Philip)，原來同樣與欣欣甚有淵緣。事緣Philip當年在華星任高層時，欣欣是其遇到第一位公司女歌手主動要求“唔好再畀嘢佢做”，相當爆笑。
Philip還大爆在華星遇到的另外兩大事件，當中一件是他上任後，有人要求他炒許志安、梁漢文及鄭秀文，Philip在節目中更大爆三人當年被炒原因。但後來Philip因有感三人唱歌很不錯，故決定留下人才，之後更為三人打造了《纏綿遊戲》、《喜歡你是你》、《叮噹》及《娃娃看天下》等經典金曲！