熊黛林老公街頭健身
熊黛林(Lynn)日前宣佈正式成為健身品牌星級代言人，Lynn表示：“咁多年來無論肌膚及身形我一直都保持得咁好，全靠有星級專業團隊，幫我由內而外保持最佳狀態，令我任何時候都可以散發獨特自信美。”
Lynn更表示無論甚麼年齡，保持身心健康至關重要，她更自爆現時十分注重養身：“我已經唔係少女啦，結咗婚生埋兩個小朋友，而家要養身，除咗日常補品之外，運動更加係不可或缺。除咗去健身室，我屋企都有一部健身踏步機，一星期點都要郁四至五日，幾忙都要郁吓，唔郁個人會好攰、好腫，成身都唔舒服，運動完出身汗就舒服好多，當然有個地方畀我做運動梗係無得頂啦！以前我就會去健身室等老公，而家雖然唔會一齊做運動，但都各自健身保持身體健康，以前我就會練線條，而家照顧屋企雖然冇咁多時間，但唔可以畀自己肥，而家我老公就鍾意街頭健身，玩人旗，好犀利！”