劉俊謙騷肌拍廣告
劉俊謙憑電影《九龍城寨之圍城》飾演信一，加上俊朗外表以及非凡身手，令人氣高企，事業再次躍升，更被網民一致推舉為“全民老公”。阿謙電影密密拍，廣告代言也不例外，近日更獲超過一百二十五年歷史的韓國保健品牌邀請，為產品“EVERYTIME”拍攝廣告。
拍攝廣告當日，阿謙先後以家居服、西裝、皮褸電單車、背心短褲跑步及貼身騷肌肉踩單造型出現，雖然馬不停蹄穿梭於拍攝影像及平面兩個場景，但阿謙全程笑容滿面沒有一絲倦意。
問到阿謙在百忙中如何保持狀態，他說：“以往電影拍攝時，仍然會keep住做運動，知道今日拍攝會見到肌肉，所以帶了健身橡筋，埋位前keep住做掌上壓及拉橡筋，令肌肉線條可以保持最佳狀態，拍攝嘅時候效果更好。”
阿謙分享道：“我好鍾意今次嘅產品概念，因為要有健康嘅體魄，先可以真正過自己鍾意的Lifestyle。身體健康先可以享受生活同做自己鍾意嘅事，特別係呢幾年，覺得可以同身邊人健健康康生活係一件好重要嘅事。”未來阿謙還是會繼續以拍電影為主，希望大家繼續期待他的作品。