吳忻熹憶化療苦不堪言
前港姐吳忻熹（前名吳文忻）日前到新城知訊台，接受台長程凱欣和麥卓華主持的《原來生活好快樂》之“自主人生”訪問。今年八月公開乳癌復發的吳忻熹，癌細胞一度擴散至淋巴位置，但她積極尋求治療方法。忻熹透露因收到一位朋友來電，稱他的爸爸在泰國醫院治療末期血癌，經了解之後，忻熹決定接受新療法。
自從接受細胞治療後，忻熹感到身體較之前強壯，整個免疫系統亦有所提升，就連兩位主持都大讚她精神奕奕。不過忻熹憶述：“其實我喺香港做咗三次化療同一次免疫治療，我感到我嘅身體質素下跌得好嚴重，講嘢都咳得好犀利，然後又周身骨痛，好似變咗個阿婆，骨質疏鬆同肌肉流失得好嚴重。”
雖然化療期間令忻熹苦不堪言，但她感謝這個病令她反思人生，同時賜予她第二人生，所以她未來有一連串大計：“其實我依家已經當自己冇病，所以我已經計劃咗幾個大計，最初係想出一本書講抗癌，不過啱啱又諗到之前都有藝人患癌之後康復，我可以做主持訪問佢哋，做一個特輯，依家有十幾個名單。”文忻亦初步構思舉行慈善音樂會，用音樂串連不同故事，十分正面。