吳大強探班兒子兼旅行
TVB娛樂新聞台《Star Talk》主播許文軒專訪吳大強，大談首次推出新歌及成為最年長樂壇新人感受。大強說：“首先多謝公司，好興奮，睇見其他參賽者陸續出歌，估唔到自己都有機會，本身參加比賽都已經好夢幻，而家有自己嘅歌曲更加覺得好神奇。今次翻唱廿一年前四葉草嘅主題曲《Shining Friends》，我有聽過之前2R同馮曦妤嘅版本，估唔到自己可以唱人哋後生女嘅歌！”
談到入行後，對兒子更加了解時，他說：“以前成日覺得個仔點解咁忙？返唔到嚟食飯，啲時間咁難遷就。當自己入行之後就發現，阿仔冇呃爸爸，好多拍攝都唔係百分百可以自己掌握。依家都會盡量抽時間見面，好似之前Ricco（兒子）去台灣拍攝《武林》，我同太太都特登去台灣探班同旅行，忙裏偷閑。”
大強又說：“本身計劃退休，比賽後計劃改變，既然自己可以嘗試同承受到，不如去試喺呢行發展。好多朋友同屋企人都有Remind我要小心身體，依家我保持到狀態，真係靠做運動，持之以恆，我每日都堅持做掌上壓，除此之外，我屋企有啲健身器材都有練習。”