重啟巡唱廣州開騷
楊千嬅公開多謝老公囝囝
前晚，楊千嬅到了廣州海心沙亞運公園展開一連兩場《My Tree Of Live》巡迴演唱會，作為她相隔四年重啟世界巡迴演唱會的首站。門票開售後瞬間售罄，除了場內兩萬多觀眾之外，場外亦有兩萬多“核心外圍”的觀眾包圍，十分熱鬧。
千嬅相隔四年再到廣州開騷，台下歌迷歡呼聲不斷，她聽到後開心地向大家說：“我好耐冇聽過呢啲聲音，真係好多謝，但你哋嗌到咁淒厲，好似我爭咗你哋四年錢咁， 哈哈哈！不過，我好鍾意呢啲聲音呀！可能大家都好擔心我會哭崩舞台，但我忍住冇喊，因為要好好珍惜唱每一隻歌嘅時間。”之後她唱出《還有事情可慶祝》。之後，千嬅搞笑指自己的耳機是“助聽器”，戴上後只看到大家口噏噏跟住唱，於是邀請大家合唱《河童》 ，台下觀眾十分配合高聲合唱，令千嬅感動到眼泛淚光。
到了鳴謝環節，千嬅除了多謝製作單位和贊助商外，亦公開多謝老公丁子高：“最緊要多謝出品人丁子高先生，好想分享佢對唱歌嘅熱愛熱誠，一定唔會少過我，佢好支持我演出，Thank You。其實今次演出，我有七十多位親朋好友從香港嚟到捧場，我個仔話唔畀我提佢，但我都要多謝佢，因為我用咗好多時間去準備呢個騷，好少有阿媽多謝個仔，但我要感謝佢畀咗我好多生活動力及相處中嘅人生鼓勵。”千嬅又自爆之前曾中招，笑稱記憶力愈來愈差：“我已經係有啲年輪嘅人，記憶力係會差啲，若果漏咗多謝邊個，唔好怪我，希望大家繼續支持我。其實我係有畏高?，夠膽企喺廿幾呎高台上面出場，就係希望所有山頂嘅朋友都見到我，講真最初真係好驚呀。”
到了“安歌”環節，千嬅穿上露肩藍裙再出場為大家獻唱，粉絲熱情不減，“安歌”後仍不肯離去，千嬅有感大家的熱情，再清唱了半首《姊妹》，之後匆匆衝落台。原來廣州場地限時十點前要停止演出，她當時已唱到九點五十九分，差一分鐘便超時。