萊比錫守土戰科隆

    【本報消息】德甲萊比錫返回主場爭勝，迎戰科隆。客軍狀態不俗，不過主隊人腳實力佔優兼有主場地利，有力睇好力爭三分。

    萊比錫開咧戰鬥史特加，場面佔盡優勢，惜鋒線遺失射門鞋，狂攻之下被仍對手逼和。萊比錫即快刀斬亂麻，從車路士回購射手華拿，這名球會入球紀錄保持者回歸萊比錫，配合尼昆古進攻，加上奧莫、科斯貝治等支援，有望為球隊重新注入火力。後防柯賓、基斯頓保及門將古拉斯，實力同樣不俗。科隆開咧戰贏史浩克振士氣，不過烏夫、阿達美恩等入球率一般，放走蒙迪斯特對火力難免有影響。萊比錫強勢主場出擊，三分有望睇好搶到手。

    泰帥喜華拿回歸

    萊比錫教練泰迪斯高高興華拿回歸：“華拿是很出色的射手，從實力以至心態都非常正面，我們很高興他能夠回歸。我仍未決定出場陣容，不過華拿很大機會會上陣。賽和史特加一戰雖然令人失望，但這只是聯賽的開始，我們收拾好心情，已經準備好在科隆一戰重拾勝軌。”

    利華古遜主場鬥奧格斯堡，藥廠開鑼戰僅負多蒙特，但整場表現不失禮，雖然門將赫迪基要停賽，但有舒希克、阿斯摩恩、戴亞比等領軍，面對首輪大敗的奧格斯堡，利華古遜主場出擊佔盡地利人和，有望搶今季首勝。