御用熒幕阿媽
當年二十歲的妙齡盧宛茵，初踏熒幕，即演巴辣“二少奶”，後成了TVB“御用阿媽”。六十九歲入紙《健力士世界紀錄》，申請“飾演過最多藝人阿媽”的紀錄。原來，已經有七十個男藝員叫過她“阿媽”。
盧宛茵訓練班未畢業，演《朱門怨》二少奶一砲而紅。幾次進出無線，亦效力過麗的、港視等電視台，好使好用。但演員無分美醜，最緊要入型入格。盧宛茵竟然不用化妝，只要不畫眼線，不塗口紅，已經活靈活現一位媽媽了。
演過多少次母親角色？“都有七十個！”盧宛茵受訪，油然生起自豪感，多到許多角色都記不起，“印象猶深的，我跟郭晉安只是相差十幾歲，在《戅夫成龍》及《阿旺新傳》中飾演母子。（會否不高興？）又唔係嬲，只係覺得好笑，（母子年紀差距是否一個尷尬問題？）冇呢啲嘢，我係演員，最緊要有戲畀我做，至緊要劇本好，合作愉快。《阿旺》民初劇之後，再有時裝劇，我都係做安仔阿媽。”
好戲之人，無懼任何角色，緊跟劇本去演。記憶猶新的是去年《智能愛人》，盧宛茵演六十一歲蔣志光的媽媽，不畫眼線不塗口紅，OK。
年輕出道的女藝員，到了要演媽媽角色時，不容易接受“從此老去”的。隨手翻舊娛聞，粵語片時代，南紅、謝賢是一對。被形容“天愁地慘”的事終於發生——謝賢當年在TVB拍劇，演汪明荃的男友；南紅演汪明荃的媽媽。當時，這位正印花旦、電影大明星，被口痕友揶揄為“淪落到電視做阿媽……”點解唔係昇華？南紅無語……
“阿媽角色演最多，垃圾婆又演過，冇所謂。（有甚麼角色未演過？）” 盧宛茵朗然回應：“性格分裂嘅人物，想試下。（好難抽離角色？）唔會，我係演員，一做完就唔記得啦！”
幾十個仔的熒幕媽媽，劇情中多是單親，沒有老公的。（許紹雄演過你老公？）盧宛茵講起就笑：“Benz雄亦做過我女婿，佢大過我，好似係《陀槍師姐》，Benz雄叫我外母，好難忍笑。”
高 梁