林奕匡製作新碟感受深
林奕匡(Phil) 日前接受TVB娛樂新聞台節目專訪，近年Phil嘗試做歌曲監製，但他說作為一個全面監製，他未算稱職：“最近有幫歌手朋友做監製，都係時候要成長。今年亦好開心幫人寫多咗歌，如果抽到時間，我會入錄音室一齊幫手錄音，想令到首歌更加好聽，同時與歌手會有更多溝通。我覺得從音樂層面接觸去交朋友，係我覺得最舒服的。”
談及最近推出的新碟，Phil說：“今次主題係講哲學，希望大家可以思考下，特別係剛過去的疫情期間，大家有好多唔開心的事、有迷惘時候，透過呢張唱片，可以畀到一啲角度同睇法，究竟自己想點。我因為討論呢張唱片概念，都有好多體會，例如人與人之間相處之道，不論係感情、朋友、家人定工作夥伴，呢樣係人生最難的哲學。”
談到他的性格好勝， Phil說：“我太太教咗我好多嘢，以前我好勝，我同佢玩Board Game，好多時我不擇手段要贏，輸咗又唔忿氣，佢就話我玩親都搞到氣氛大跌，依家我改咗好多。”