錢嘉樂任“獎老”全因口賤
昨晚由麥美恩擔任主持，曾展望(GM)擔任助理主持的《Mayanne 小喇叭》，邀得四位“獎老”林曉峰、錢嘉樂、蘭茜及阮兆祥擔任嘉賓，大談參與《獎門人》拍攝的喜與樂。
四人之中，雖然嘉樂被尊稱“大師兄”，但原來第一代“獎老”竟是林曉峰（阿Lo）及陳小春。阿Lo大爆當年嘉樂之所以被“獎門人”曾志偉睇中接小春棒，全因他“把口夠賤”。嘉樂憶述當年接到“獎門人”邀約電話時相當意外，並笑言全靠“獎門人”，自己的口賤才能才得以跳出武師界。
“獎門人”當年又為何睇中阿Lo？原因竟然與張國榮和一條鞋帶有關，阿Lo 表示：“嗰時拍《金枝玉葉》，有一場戲講張國榮上樓梯，我做助手跟住後面，當時佢唔知左腳定右腳甩咗鞋帶。拍完嗰場後我哋放Break，返到嚟甩嘅鞋帶就調轉咗喺另一隻腳。當時導演嗌完Roll機後，我就話：咪住，好似唔連戲喎！大家即刻睇返錄影帶並發現：係喎！。嗰日原來‘獎門人’都喺現場，佢心諗原來呢條口靚仔都幾上心，就搵咗我嚟做‘獎老’。”