臨老入花叢的風險
“你睇下佢隻手呀，兩隻戒指一隻錶，一百幾十萬啦……。”坐巴士奇遇，三位阿姨沿途高聲議論。她們用雪亮的顯微鏡看電視。比劇集更具戲劇性的《東張西望》——七十六歲阿伯哭訴：得了一個女人，失去五個仔女……。阿姨拍髀評論，好彩得個細女昨，否則，四百五十萬棺材本……。
阿伯攬着新婚妻子，嚎啕大哭，話細女不孝，提走他的四百五十萬積蓄……。“香港人其實好醒目嘅”，師奶議論紛紛，“好多人材?，第一個最醒目係銀行姐姐。最初提取一百萬時，姐姐提醒，聯名定期存戶。“未到期急急提款；第一，需得聯名的細女同意。單方面提前取定期存款，須繳罰金十數萬元，係咪急得咁緊要，是否救命……。現在銀行好醒目凡提取稍為巨額存款，都會詳細問詢。香港國際金融中心的安全保障，仍有信心的。老父年邁，提一百萬，竟不與五位子女商量——銀行盡責，細女醒水，既是自己聯名戶口，全提四百五十萬自保。”
新聞劇情，好睇過大戲……七十六歲阿伯第二春，娶四十六歲女子，未到三個月，新娘已提出攞一百萬搞飲食生意，新聞中的新聞，立即引起飲食界的關注……。
叙福樓主席兼CEO黃傑龍，網頁中的“防騙訊息”——“話有長者被人一句‘想做餐飮，覺得香港餐飮業有前景’，就貿然投資一百萬畀人開餐廳，”CEO提醒大家，“如果有人問你攞錢搞飮食，有可能係騙徒，根本唔係做生意；就算眞係拎筆錢搞生意，飲食業屬非常高難度行業，投資飮食業屬危險動作，冇受過專業訓練切勿模仿。敬請子女留意家中長者情況……。”老行尊提點隔行如隔山的世道艱難而已；有網民表示，“黃老闆抽水功夫了得”。有人反問，“一百萬元可以投資到乜嘢飮食生意呀？”
七十六歲老翁，臨老入花叢：得一女子失五子女；四百五十萬歸小女兒保管……。下集呢？師奶觀眾，興致勃勃關心劇情發展。現時，阿伯寄住新婚太太的公屋單位，事件上《東張》後，穿金戴銀的公屋租戶，引起房屋署關注，正留意有冇人違反公屋資源合理分配政策安排，如果發現違規，不排除任何可能，包括收回公屋單位……。一得，又多一失？你估下。
高梁