與男友參演真人騷
姜麗文踢爆老竇呷醋
陳家樂、姜麗文及王子涵等昨日為無線節目《兄弟幫》擔任嘉賓，並分享拍攝無線劇集《廉政行動二○一九》的點滴，姜麗文更大方透露已有新戀情。
陳家樂透露劇集雖已煞科好幾個月，但因為演員、導演及幕後都各有各忙，陳瀅又去了緬甸探訪未返，一直未能約齊人舉行慶功宴。他笑說：“我哋一班演員因為拍戲真係好開心，所以好想慶功。但導演同幕後已經入咗第二個劇組，我哋唯有用獎金獎品引佢哋來食飯。（陳瀅要供樓好手緊喎？）你哋睇吓佢個社交平台啲廣告先講啦，我唔明點解大家拍同一套劇，佢工作多過我咁多！（你出幾多獎金？）陳瀅都話五位數字，咁我都要啦。”
家樂表示隨後將會出發到墨西哥，拍攝林超賢執導的電影《緊急救援》，問到有甚麼要準備？家樂說：“原本以為當地好熱，但原來相反，而家要買過晒啲衫。工作人員又話擔心登革熱，我諗緊係咪要打預防針。”家樂透露該劇監製林超賢收到劇本後，為增加刺激感，因此加拍了一場超級勁的飛車戲。他笑說：“我一直都想拍飛車戲，但唔係我的車，係陳瀅的，不過佢手車係好辣，佢成日笑我手車唔叻。”他希望可趕及返港出席金像獎頒獎禮。
姜麗文自與鄭俊弘分手後，一直未有新戀情傳出，但昨日她大方自爆已有新戀情，男友Pakho 是一名工程師，已拍拖兩年多。她更透露早前與男友一起拍攝內地真人騷節目《女兒們的男朋友》，父親秦沛要看他們在節目中的拍拖片段。她笑說：“爸爸對男友相當滿意，不過睇節目時就不是味兒！因為我係一個好肉麻的女朋友，成日要攬攬錫錫。我覺得爸爸睇到呷醋，但係我都已經三十三歲。”問到感情是否已穩定到可以談婚論嫁？她暗示已視男友為結婚對象：“有信心先會拍節目，但係女人唔可以催婚，暫時亦未有計劃。”
身為主持人之一的林盛斌則透露鄭俊弘於隔鄰錄影廠拍攝MV：“鄭俊弘剛才也有到場探班，見他有跟舊愛姜麗文打招呼。”提到日前他得到最具影響力司儀大獎，林盛斌表示這是人生第一個個人獎項：“能夠跟薛家燕、黎耀祥及陳煒等同台得獎，我感到非常榮幸。”