樊亦敏獲封“啱數版何太”
近來，何伯、何太的“忘年戀”成為城中熱話，無獨有偶，無線新劇《神耆小子》的劇情中，亦有紅顏知己洪玫瑰（樊亦敏飾）和親生仔女“爭產風波”，再加上玫瑰對錢大海（鄭則士飾）照顧周到，煲湯、煲粥、整糖水、焗蛋糕全部做齊，而對玫瑰錫到燶的大海又大送首飾，“神巧合”情節吸引網民在無線官方社交平台的宣傳片下留言：“新何太合晒時機呀，天時地利都冇咁夾，勁！”“如有預知能力。”搞笑的是，還有網民主持“公道”，指玫瑰即使“貪錢”，亦“盜亦有道”，笑言她是“啱數版何太”：“我覺得玫瑰都係貪大海啲錢，但至少佢喺大海身邊默默耕耘咗足足十二年。”“Rose姐除咗煲湯煲糖水照顧周到，仲要幫大海公司解決咗唔少危機。咁就算貪錢，都叫貪得啱數好多。”
對於被網民封為“啱數版何太”，樊亦敏笑言：“首先多謝大家咁記得我呢個角色，其實玫瑰同大海係咪真愛，大家睇到最尾就自然有分曉喇！”