韓國拍MV遇大隻靚仔
VIVA眾女嗒糖:想帶佢返香港
日前,新女子組合“VIVA”正式出道, 由姜咏鑫(Ada)、李晞彤(Carina)、馬思惠(Macy)及張鈊貽(Valc)組成。首支派台作品《Topic Killa》亦同步推出,音樂班底、錄音、MV拍攝及舞蹈編排,均由韓國團隊負責。歌曲講述VIVA從女生角度演繹,面對心儀對象是一位“話題終結者”,既蠢鈍又帶點可愛,令人又愛又恨。
在MV拍攝現場,令她們驚喜萬分,例如首次見到為她們打氣的應援餐車、每拍攝完一個鏡頭後,她們背後即“自動”出現四張椅子讓她們坐下休息,原來都是貼心的工作人員預備。除此之外,當然不少得“艷遇”,眾女心心眼笑說:“我哋MV有一位工作人員好大隻、好靚仔,然後我哋走咗去問經理人可唔可以簽佢返香港,哈哈。”
隊中的“舞蹈擔當”Valc說,可以跟一些自己很欣賞的排舞師合作,十分開心。而外表甜美的Macy除了是“唱歌擔當”,同時亦是“大力擔當”:“喺韓國受訓期間,有一晚我自己喺宿舍下層,佢哋喺上面嗰層,突然間發生一下巨響,然後我大叫,佢哋以為我喺下面有事,即刻衝晒落嚟,其實我係坐爛咗張櫈,哈哈。”至於“姐姐擔當”的Ada立即和議:“佢真係好大力,第一次見識到佢嘅‘力量’係我哋第一日去度韓國宿舍樓下,棟大廈係冇(車立),Macy一口氣將佢兩個篋行樓梯搬咗上三樓!”
身為“藝能擔當” 的Carina,她謂首次到韓國錄歌,感受最大是唱歌部分:“因為韓國同香港嘅唱歌模式好唔同,喺我嘅認知上面,學咗好多新嘅唱腔、發聲嘅技巧,點樣運用喉嚨或者聲帶嘅肌肉,所以我哋都用咗好多時間去平衡,我相信我哋都為唱歌呢一個部分而喊過。不過喊完就冇事,都係抒發一下,第二日大家又打起精神去接受挑戰。”