聖日門強勢鬥蒙彼
【本報消息】法甲巴黎聖日門主場出擊迎戰蒙彼利埃。聖日門近況強勢，人腳牌面佔盡優勢，王子公園球場出戰再有地利，今仗鬥近況平平的蒙彼利埃，三分到手冇走雞。
聖日門在上周歐冠和波，但返回聯賽仍保持強勢，迅速重返勝軌，開季七戰全勝，踢多一場下與次席的馬賽拉開七分優勢。聖日門人腳牌面超哂班，雖然美斯有小傷，今戰很大機會缺陣，但前線擁有狀態大勇的麥巴比，連同尼馬、伊卡迪及達斯拿等進攻，火力有十足保證。防線馬昆奴斯、甘佩比把關，無論最後一關是拿華斯，抑或是東拿路馬，防線足夠穩健。聖日門佔盡天時地利人和，主場出擊鬥蒙彼利埃，聯賽八連勝可望搶到手。
普帥信心十足
聖日門主帥普捷天奴有信心：“球隊近幾場表現很出色，今仗主場鬥蒙彼利埃，將是另一個考驗。我相信對任何球隊而言，作客聖日門都不是容易的事，對手肯定會傾盡全力希望將我們擊敗，同樣我們亦會做好一切準備迎接對手。鬥蒙彼利埃會是硬仗，但我對球隊充滿信心。”
蒙彼利埃近況一般，近三戰不敗但兩連和，陣中謝美恩、馬維迪迪、沙雲尼亞雖表現不俗，整體實力始終與聖日門有很大距離。加上蒙彼利埃不擅作客，到訪王子公園球場，想搶一分亦不容易。