華倫西亞鎖定歐冠席
【本報消息】西甲前四塵埃落定！華倫西亞煞科戰作客華拉度列，憑卡路士蘇拿、洛迪高摩蘭奴各建一功輕取二比○，鎖定前四出戰來屆歐冠盃。
華倫西亞今仗目標清晰，贏波即鎖定前四位置，基迪斯、洛迪高摩蘭奴及巴利祖等主力悉數上陣，但開賽初段被主隊控制戰局，直至卅六分鐘憑一次反擊，由卡路士蘇拿把握對手失誤近門起腳建功，助蝙蝠軍團領先一球返入更衣室。易邊後七分鐘，華倫西亞再度把握主隊後防低級失誤，由洛迪高摩蘭奴近射空門鎖定二比○勝局。華倫西亞最終積六十一分完成球季，連續兩季進軍歐冠。
同一時間，加泰主場鬥維拉利爾，雖有波迪路、麥森莫域上下半場各建一功，卻在完場前一分鐘被謝拉特摩蘭奴絕殺扳平，終被逼和二比二，賽後積五十九分排第五位，只能降格踢歐霸盃。西維爾則在主場二比○擊敗畢爾包，同樣取得來屆歐霸盃參賽資格。愛斯賓奴則在主場二比○輕取皇家蘇斯達，中國球星武磊入球鎖定勝局，助球隊取得歐霸盃參賽權。