皇馬啃“包”冇黐牙
【本報消息】西甲皇家馬德里為面子而戰，主場出擊撼畢爾包。皇馬人腳實力明顯有優勢，雖然近況一般，但班拿貝主場地利仍有利睇好，有力睇高半線搶勝，全力衝擊次席。
皇馬近況一般，五戰三勝一和一負。皇馬現時帶離第四的西維爾有九分優勢，前三位置基本穩陣。向前望則四分落後次席馬德里體育會，仍有機衝擊次席。皇馬有賓森馬大勇，配合阿辛些奧、伊斯高、巴利等進攻，後防有拿華斯、華拉尼及拉莫斯把關，牌面有明顯優勢。不過畢爾包實力唔差，包括阿度列斯等多名主力復出，連同Ⅰ威廉斯、聖荷西、魯爾加西亞等掛帥，並非無機會。皇馬表現不穩下，要搶三分或需一番苦戰。
畢爾包聖荷西激勵球隊力爭前六：“皇馬今季表現下滑，不過他們仍是贏下不少冠軍的皇馬，仍然擁有很多世界級球員，實力毋庸懷疑。不過力爭前六位置，奪得來季歐霸資格，是球隊目前最大目標，為此必須爭取餘下每一戰勝利。”
西維爾出擊加泰
西維爾作客加泰上演前四爭奪戰。西維爾近況回勇，三連勝後已壓過加泰重奪第四，今戰“六分波”隨時為前四爭奪劃上句號。西維爾人腳牌面有優勢，雖然安祖施華有傷缺陣，但仍有賓耶達、辛拿比亞等領軍。加泰近五戰僅一勝，失去爭四主導權，安祖、J馬達等主力近況回落，今戰雖主場出擊，但要殺退西維爾唔容易。