呂爵安初拍正劇有迷惘
由新晉導演曾慶宏執導，金像影后毛舜筠、金馬影帝謝君豪、呂爵安(Edan)、談善言、袁澧林、盧瀚霆(Anson Lo)及馮素波演出，曾先後入選“釜山國際電影節”及“香港亞洲電影節”，首部劇情電影計劃得獎作品《過時 · 過節》，踏入第二周上映，累積票房快將衝破八百萬。首次參與電影正劇演出的Edan，日前現身九龍及新界五間戲院，連踩十八場謝票親身答謝粉絲支持。同場更有Edan的角色原型導演曾慶宏，自稱兩個“阿陽”同場的Edan，與導演炒熱現場氣氛，令泣不成聲的粉絲平伏心情。
Edan被問到《過》片對他的影響，他表示：“其實自己對演戲一直有一種迷惘，唔係好知道點樣為之好同唔好，尤其今次係比較正劇嘅處理。今次好幸運遇到導演Eric、毛姐同君豪哥呢班前輩，同我傾好多偈，不停調整我，令我有好多得着。包括係漸漸明白多咗演戲係點嘅一回事，更加要深入啲了解導演想帶出嘅message。”片中一眾角色因溝通不善而有心結，Edan坦白自己在這方面也不太懂得處理：“我自己私底下喺屋企都唔係同屋企人有好多溝通，由細到大好少同屋企人講心事。不過親身經歷呢部戲，學習到同屋企人多啲溝通。”