English 香港站
職位類型:
  


陳家樂唔敢再闖樂壇
        來源: 澳門日報          發佈時間:2021-10-24          流覽次數:161
分享到:

陳家樂唔敢再闖樂壇



陳家樂在新片《梅艷芳》中扮演鄭少秋


白只、楊詩敏都是好戲之人。


《梅艷芳》製作特輯首播禮昨日舉行


廖子妤自覺不是唱歌的材料

    難頂拍戲載歌載舞

    陳家樂唔敢再闖樂壇

    昨日,陳家樂、廖子妤、白只、楊詩敏、麥芷誼聯同導演梁樂民出席電影《梅艷芳》製作特輯首播禮活動。在這電影中分別飾演鄭少秋及梅愛芳的陳家樂、廖子妤,皆表示現實生活中不會當歌手,因為覺得唱歌十分難,而且做歌手會有很大壓力。

    昨日,陳家樂出席新片《梅艷芳》的製作特輯首播禮時,接受傳媒訪問,分享他在戲中扮演鄭少秋(秋官)的感受。參加英皇新秀歌唱大賽出道的家樂,已很久沒有唱歌,他表示:“今次我喺戲中要載歌載舞,不過我本身手腳唔夠協調,跳舞時好似一隻蟹咁。(你為何又能入選演出?)因為試鏡時,我事前參考咗張國榮以前嘅演出片段,記熟簡單舞步,先可以呃到導演,以為我能歌善舞。其實如果要我再做歌手,應該會影衰樂壇,所以我冇呢個想法!(秋官當年被稱排骨秋,你扮他是否需要減磅拍攝?)又冇噃!我拍這部戲時自覺身形還脹卜卜呢。(扮秋官有何難處?)雖然我好鍾意扮嘢,但扮秋官的難度系數高達9.0,因為要學他的說話方式,又要唱日文歌載歌載舞,好考功力。為咗演得似啲,我用六百文學咗兩堂日文。”

    廖子妤在戲中扮的梅愛芳亦是歌手,問她演出的感覺如何?她笑言:“雖然我都好鍾意唱歌,但未達做歌手的水平,尤其看到唔少歌手演出時都好勁,但仍受到網民的負評,我呢啲哥利,點可以做歌手。我記得為呢部戲試鏡時,導演要求我演《胭脂扣》中嘅一段戲,又要我唱南音《客途秋恨》。由於唱南音真係要掌握技巧,我仲專誠跟老師學咗一堂,學費都幾貴,要七百九十文。我為咗演好梅愛芳呢個角色,演出前特別買咗一張梅愛芳嘅絕版CD,又翻睇佢嘅電影,另外再上網睇返梅艷芳以前訪問中講及與家姐相處的點滴作為參考。”



網站主頁  |   人才求職  |   企業招聘  |   培訓頻道  |   新聞中心  |   Talk853.com  |   Bid853.com  |   關於我們  |   聯繫我們
鄭重聲明 :本網只提供公司和求職者之間一個網絡交流平臺,不涉及任何公司與求職者之間的勞務關係.
未經澳門人才網同意,不得轉載澳門人才網之所有招聘及相關信息
Copyright© 2005-2024  澳門人才網(www.Job853.com). All rights reserved.    法律顧問:麥興業大律師樓
Powered by 澳門長江網絡有限公司(互聯網服務牌照01/2007)