苑瓊丹開超市想上市
瓣數多多的苑瓊丹早前進軍飲食業，昨日更宣佈投資超級市場業務，與其他股東出席開幕儀式。她心情大好滿場飛，更豪言以上市做目標：“靠我自己就梗係做唔到啦，好在識到一班老實唔呃人嘅Partner，佢哋做實事、我負責宣傳，夾埋一齊打天下！你知啦，藝人做生意好易畀人呃，怕會損手蝕入肉，所以揀拍檔係最難嘅一件事。如果有朝一日可以過吓上市公司老闆癮，咁就一生無憾啦。”
苑仔坦言將不斷擴充業務，目標每區都有分店：“唔係想食大茶飯，只係走貼地路線，希望街坊慳到錢，我哋又賺少少咁囉！加上我有熟餸包品牌，一條龍咁做，愈搞愈大多錢過我老公！（你有錢啲定老公身家厚啲？）傻啦！我啲錢係我嘅私己，佢啲錢係賺嚟養我，所以永遠都係我贏晒。”