疫境下轉做YouTuber
袁嘉敏冇拖拍呻孤伶伶
《壞蛋獎門人》前晚搞十周年重映首映禮，袁嘉敏、陳婉衡、張崇基、張崇德、劉美娟等藝人出席。袁嘉敏表示最近專注經營YouTube頻道，分享之前工作及旅行片段，最高點擊有二百多萬，還吸引了一間意大利公司邀請她設計首飾，都算係自己的一個新嘗試。翌日是中秋節，被問怎樣過，是否有男朋友陪，袁嘉敏表示自己還是單身。
袁嘉敏說自農曆新年後未有在香港出席公開活動，最近主攻網上個人頻道，影片內容是她的工作和旅行經歷，拍片及剪片一手包辦，有二百多萬點擊，成績相當不錯。她透露每月都有內地商演邀請，但由於需要隔離，實在想不通該如何聘請助手。她說：“去內地工作幾驚險，我呢幾年返內地工作有三十次，試過黑暗中奔馳，去咗一個唔知喺邊度的地方，所以最好係有個男助手，樣要夠惡。但工作幾日，來回要隔離十四日，我都唔知點請人。”她因此推掉了不少工作，大概損失幾十萬酬勞。
她坦言這段時間推工作推到心灰，損失不菲，但又不想家人擔心。被問中秋節可有男性約會，她笑說：“冇啊！惗住今年搵到另一半，但疫情下都冇社交聚會，我已經放棄咗。”她自言中秋節要同姪女過：“疫情下同朋友食飯都係得五次，其餘日子孤伶伶過，而家都冇惗喇，寧願拍片，感覺有世界各地啲人睇，冇咁孤單。”
陳婉衡與落選港姐鞏姿希結伴到場，她表示男友對卡通片沒有興趣，而且又要忙工作。提到男友表現冷淡，二人感情是否有變？陳婉衡想了一想說：“OK嘅，情侶有時都會嗌交，(中秋節會如何慶祝？)媽媽已返加拿大，剛過去嘅周末已一齊食飯慶祝，男友原本話去，但唔好提喇。”她不擔心這樣爆料會令男友不悅？她認為嗌交反而更能了解對方，而且都是耍花槍而已。中秋節能人月兩團圓嗎？她說：“希望啦，佢都好忙，我見佢都要抽時間，或者上佢辦公室叫外賣見一見，情侶一齊要互相遷就，我忙工作時男友都會咁樣做。”