李明蔚拍片募捐治癌
歌手李明蔚昨日在臉書親自拍片,向各界緊急呼籲募捐,期望籌到足夠醫療費做免疫細胞治療續命。
李明蔚於廿二歲時確診患上罕見的鼻咽腺樣囊性癌,接受多次各種治療及手術後病情曾轉趨穩定。不料一六年起癌症復發,開始半邊臉癱、說話不清、右眼不能閉合等狀況,到去年更擴散至肺、肝、腎等器官。
由於負擔不起龐大的醫療費用,李明蔚昨日在臉書上傳募捐影片。她說:“好多謝大家一直支持鼓勵我、好感恩遇到好多人幫助我、令我有更大力量去生存!自從一二年發現患上罕見的鼻咽腺樣囊性癌,我一直都無諗過放棄,與癌共存。這八年我曾經試過好多種治療,但都冇幫助。癌細胞已擴散到肺、肝、腎及骨,做過化療同電療,亦試過標靶藥,不過身體承受唔到副作用,所以已停止,目前無做任何治療。最近我感覺到身體越來越差,腫瘤壓住神經線,令我面癱,眼珠同眼皮郁唔到,有一邊聲帶癱瘓,令我說話同吞咽都好有影響;最近仲開始呼吸唔順、心口又痛、器官脹大,令我開始日常生活都有困難。但我仍然深信希望在明天,因為我仲有好多事想做,唔想爸爸媽媽再為我擔心。我知道有一種叫免疫細胞治療,我好希望可以去嘗試,但費用昂貴,好希望大家可以幫助我!等我能夠活下去!”
好友馬浚偉得知李明蔚病情告急,日前已於網上舉行直播演唱為對方進行眾籌。據他所知,李明蔚要做的療程費用接近二百萬元,希望有更多人可以幫忙伸出援手。