為公和荳品廠拍網片
張建聲不捨少年回憶
張建聲日前到香港老字號公和荳品廠拍網片，拍攝當日，很多新舊街坊專程前往幫襯及打卡這家很多人熟悉的荳品廠。張建聲與老闆娘合照留念，把回憶永留照片上。
張建聲日前到九龍城拍攝網上點播影視平台 hmvod 節目《遺失 · 港味》，今次攝製隊拍攝的是將於本月底結業的香港老字號公和荳品廠。公和在香港開業已有六十年歷史，該店至今依然保持了紙皮石牆身，收錢用的是竹籮。這間老字號經歷多次高低起跌，過去一年捱得過疫情、社運，卻敵不過地產商收購重建的一關。
在拍攝當日，張建聲和網紅拍檔 Annabelle看見這些特具香港特色的物品和裝潢都很有感覺；兩人品嘗了該店的馳名三寶，包括古法瓦缸豆腐花、石磨豆漿及煎釀豆腐。明知眼前一切即將消逝，湧起的童年回憶都帶上感觸。兩位主持人與店舖老闆娘、公和第四代傳人潘影兒閒談時，潘小姐說到不捨之處，亦眼紅紅落淚：“幾年前已經知道會有呢一日，希望自己唔好太過傷心。但當知道有個期限的時候，真係好痛苦。”
本身係“波牛”的張建聲，透露小時候常去九龍仔公園踢波：“路經九龍城總會幫襯公和，所以這家荳品店滿載我的回憶。一間咁古老的舖頭，無論係因為疫情、社運、舖租或者收樓等原因而結束，都係非常可惜。呢間荳品廠真係由我細細個食到大，細個時踢波，同成班 friend經過點都食一次。做咗呢個訪問後，更加體驗到老闆娘的不捨，有啲嘢唔係用錢去衡量。睇到老闆娘對呢間舖的回憶，好似失去一個親人咁心痛！冇辦法啦，社會愈來愈進步，好多嘢會被迫淘汰。我哋唔好到最後一刻先去回味，應該活在當下，想去的地方就去，如果一等再等，我驚之後再冇機會。”