倫永亮唔希望憶蓮退隱
J2音樂訪談節目一連兩個星期專訪音樂人倫永亮(Anthony)，他在節目中談及與好友林憶蓮一起赴美國製作唱片的事。他說：“《Sandy’94》係其中一張我好喜歡的唱片，我們花了好長時間去美國錄音，因為只得兩個人，我哋連和音都做埋。資料上的和音叫Madam X，其實都係我哋其中一個。裡面有首《對不起了愛》，憶蓮覺得首歌係合唱歌，所以硬叫我入去錄音一齊唱，我話唔係我個Key，但出來效果又唔錯。”
問到與林憶蓮是何種合作關係？Anthony說：“我第一首寫畀憶蓮的歌係《灰色化妝》，因為佢想搵一首可以承接《灰色》的歌。做完呢首歌之後，發覺大家對音樂的睇法好接近，所以保持住合作。（特別寫咗好多快歌畀憶蓮？） 我好鍾意寫西洋化的快歌畀憶蓮。佢本身領悟力好高，可以把握好多R&B快歌、可以唱到好似個黑人歌手咁。”
問Anthony有沒有聽聞過林憶蓮退隱且不再出唱片之事？他說：“我從來冇考究過，或者有一日綁住佢、盤問吓佢。有好多事我哋盡在不言中，大家咁好朋友，佢想講時自然會講，希望唔係事實。”