《飛虎3》食住勢上
《飛虎2雷霆極戰》記招上,監製樂易玲宣佈:即將開拍《飛虎3壯志英雄》,在夏天開拍,比較辛苦……唔辛苦!“三哥”苗僑偉朗聲回應:最緊要有工開。並大讚馬國明是TVB鎭台之寶,有他參與《飛3》最好不過。
恭喜馬明:《降魔的2.0》、《雷霆極戰2》兩齣重頭劇,同吿收視報捷,“都有馬明!佢係鎭台之寶!”苗僑偉話音未落,馬明搶說:“三哥才是鎭台之寶,三哥演得好,才有第三集繼續。自己因為要演《BB大晒》,沒有期再演《飛3》。”馬明語帶幽默,“跟BB合作眞的好攰,如果再要與BB合作,要考慮了。”
《飛虎》之前兩集都有份演出的黃宗澤、吳卓羲,得悉開拍第三集大表興奮。二人被問是否落實有份演出?異口同聲説:“咁要問三哥,我估都要睇今集表現。我哋做細嘅,唔敢評論。其實,一、二集都唔係重點,第三集先係重點,因為‘三’哥嘛!”苗僑偉外地返港,已隔離了兩個星期,幸好趕及出席記招。由於疫情持續,月底開拍的《飛虎3》,全部在香港取景。
《飛2》分別與蔡潔、余香凝有咀戲,“第三集,我要咀三個。”吳卓羲一語撩起黃宗澤醋海翻波,酸溜溜說:“ 吳卓羲今集有兩個女仔做對手戲,我就得一個,(下集想跟哪一個女演員合作?)可以揀咩,蝦頭(楊詩敏)?有噱頭我唔介意,吳卓羲就同細細粒(陳嘉佳)。至於三哥就搵樂小姐同佢做一對,佢哋好熟,呢個噱頭都唔錯。”
劇集中翻騰跳躍的吳卓羲,出席記招時上台落台一拐一拐,受訪時又要坐下。對腳有事?他透露:“早前做健身時不愼拉傷了雙腿筋,家中上落樓梯都得花十分鐘,落床要五分鐘。因要宣傳劇集,覆診也要改期。”吳卓羲充滿信心:“相信不會影響新劇拍攝,(可要人照顧起居?)傭人姐姐有照顧老人家經驗的。(幫你沖涼?)沖涼自己得嘅。”
高 梁