職位類型: 高級搜索
  


苟芸慧嚴禁老公探班
        來源: 澳門日報          發佈時間:2020-5-29          流覽次數:106
分享到:

苟芸慧嚴禁老公探班



苟芸慧婚後首次拍攝港劇


回無線勾起好多開心回憶


讚馬國明好似小朋友咁天真


在劇中演“惡妻”

    同馬國明拍床上戲

    苟芸慧嚴禁老公探班

    “幸福人妻”苟芸慧(苟姑娘)自一八年下嫁陸漢洋後,鮮有在熒屏出現,今次在無線重頭劇《飛虎之雷霆極戰》中飾演馬國明(馬明)太太“殷婷”一角,不僅是婚後首套參與的香港劇集,亦是相隔四年首次重返香港熒屏的作品,難怪苟姑娘大叫緊張。

    二○一六年苟姑娘離開無線後,一直未有在港拍劇,今次復出她直言感觸良多,每天開工都記起昔日在TVB的日子,“因為我個人較念舊,所以見返電視城化妝師、工作人員、攝影師,好感動好,勾起多好開心回憶。”

    劇中,苟姑娘飾演一名惹笑惡妻,有不少鬧爆老公馬明的鏡頭,為緊湊的飛虎劇情帶來輕鬆的喘息位。苟姑娘表示:“今次拍攝完全唔辛苦,可能時間安排得好,而且同馬明對手戲都以輕鬆為主,唔駛打、唔駛喊。記得我同馬明開工嘅第一場戲,就要發脾氣鬧佢,嗰場戲仲要喺街巿拍,好多人望住,所以都幾大挑戰。”

    在《飛虎之雷霆極戰》跟馬明首次合作,苟姑娘對馬明有讚無彈:“馬明好有耐性,拍攝期間,有時自己狀態唔好,都會忟憎,但馬明就好有耐性,對住我笑吓,叫我唔駛咁緊張,安慰我。戲中,我哋有個囡囡,埋位之前,我見到馬明會主動同個小朋友玩、傾偈,感覺好有爸爸Feel,亦令我好安心同佢工作。”

    被問到跟馬明在戲中有冇難忘場面,苟姑娘笑說:“有次好搞笑,有日馬明突然同我講‘苟姑娘,原來我哋有場床戲’,我話我睇過劇本唔係咁樣,後來先發現,馬明講嘅床戲,係坐喺床傾傾偈嘅戲份,同佢合作過,先知馬明原來都好似小朋友,有天真嘅一面。”

    提到演惡妻,苟姑娘指現實生活中,她對着老公亦有“惡”的一面,她說:“老公有反映過我拍呢套劇時,個人特別惡,可能我唔覺意將角色嘅性格帶埋返屋企,但我覺得佢應該接受到,喺鬧嘅過程,表達到我嘅想法,我估佢都鍾意嘅。”拍攝期間老公陸漢洋可有到場探班?苟姑娘沒好氣表示:“試過一次,佢話咁啱喺附近工作,之後就愛的迫降咁空降拍攝現場。我返到屋企同佢反映,唔好再喺我工作位置出現,咁樣會令我分心,好似成日有對眼望住我咁,好唔自在,不過佢就話嗰次係嚟睇馬明,仲話馬明係佢偶像。”



網站主頁  |   人才求職  |   企業招聘  |   培訓頻道  |   新聞中心  |   Talk853.com  |   Bid853.com  |   關於我們  |   聯繫我們
鄭重聲明 :本網只提供公司和求職者之間一個網絡交流平臺,不涉及任何公司與求職者之間的勞務關係.
未經澳門人才網同意,不得轉載澳門人才網之所有招聘及相關信息
Copyright© 2005-2020  澳門人才網(www.Job853.com). All rights reserved.    法律顧問:麥興業大律師樓
Powered by 澳門長江網絡有限公司(互聯網服務牌照01/2007)