黃婉曼逆市下求才
藝人黃婉曼(Icy)日前接受香港開電視主播馬梓軒訪問，育有兩名年幼女兒的Icy透露在疫情下，每次外出後回到家都會提心吊膽：“我好擔心帶咗病菌入屋，所以屋企有一個角落係專門擺放各樣消毒用品，另外仲有空氣清新機、消毒噴霧機。慶幸兩個小朋友仲細，未知出街係咩概念，呢排留在屋企都唔覺悶。我會買多啲玩具畀佢哋玩、陪佢哋多啲。”
在新冠肺炎疫情下，Icy去年於將軍澳開設的烘焙餐廳經營困難。被問是否開業以來最難捱的時刻？她說：“唔止！絕對係人生中最難捱的一關，因為涉及人生安全！好多人經歷過SARS，但今次的病毒更加無形，所以更令我緊張。”雖然生意慘淡，但Icy在逆市下繼續招聘人才：“我有請新員工，因為我覺得呢個時候正好有啲人才流動到市場上。雖然依家比較艱難，但如果我可以搵到一啲人才，大家一齊捱過呢一關，條路會行得更加長遠。”