被批有子女宮驚青
陳穎欣衝事業拒閃婚
農曆新年伊始，古天樂旗下公司的一眾藝人，包括雪兒、余香凝、麥子樂及組合Super Girls成員陳穎欣日前聚首一堂食開年飯，寄望今年好運齊來，順順利利。
回顧豬年發展，四人在影圈平分秋色，當中大師姐雪兒過年前為電視劇《地產仔》客串，首度飾演Cool爆大家姐的她，笑言過足戲癮：“角色完全唔似我，算係一個突破，所以好開心。希望今年多啲返香港，嘗試唔同戲路，例如殺手、動作戲，唔會再留戀甜美形象。”
由唱跳歌手踩入影圈、去年更首度涉足飲食界，榮升老闆娘的陳穎欣，提到憑電視劇《仇老爺爺》大獲好評，她坦言相當感恩：“鼠年會繼續進修演技，希望遇上好的作品。”事業愛情兩得意的她，雖然表明未有結婚打算，但近日被玄學師傅批有“子女宮”：“隊員Jessica結婚後，好多人都問我係咪第二個（結婚）。不過我簽咗演員公司無耐，希望投入大部分時間在演戲事業上，暫時未有時間照顧新家庭。但係早前做訪問時，玄學師傅話我會因為今年有子女宮而閃婚，大家聽到都嚇親！不過我同事話請多啲員工都算係有子女運，所以今年一定唔會發生，大家放心。”
至於去年接拍了五部電影和一部電視劇的“影壇搶手貨”余香凝，笑指自己相信“吸引力法則“：“前年想拍鬼片和愛情片，去年就得到呢方面的機會，所以我今年一直諗，好想拍打戲，希望趁後生撞得跌得，一圓做打女心願。”單身好一陣子的余香凝不諱言渴望遇上對的人：“拍戲、作歌都要有啲經歷同情緒，才可以創造好作品。所以希望自己除工作之外，都有啲情緣啦。”她更即場拉上同樣單身的麥子樂向陳穎欣偷桃花，場面搞笑。
麥子樂則透露經常遭身邊人催婚：“身邊好友個個都成家立室，偶然都會幻想自己生兒育女的畫面。”不過他認為無得強求，一切隨緣。他又指自己是母親的“男朋友”，近年盡可能抽時間陪伴摯愛：“以前唔識得珍惜，成日同媽咪嗌交；但突然有一刻覺得佢年紀大啦，自己唔可以再咁任性。今年會錫媽咪多啲，嘗試多啲包容同愛護。”被問到會否封大利市慰勞母親？他揚言每個月都派，最重要家人開心。