阿Bob感恩《兄弟幫》帶挈
林盛斌(Bob)、梁競徽、陳國峰、王梓軒及范振峰昨日為節目《兄弟幫》錄影，同時宣佈節目最後一集將於明年一月三日播出，十年節目正式完結。
第一代主持Bob與梁競徽都表示心情忐忑，阿Bob加入J2台第一個主持的節目就是《兄弟幫》，他說：“去到明年就完成十年歷史任務，當然好可惜、不捨，但認識好多兄弟，有好多觀眾支持。好感恩呢個節目令好多人認識我、帶來好多工作機會，馬來西亞、美加、柬埔寨等地都有觀眾收看，一班兄弟發展亦很好，之前仲一齊去登台。”
競徽指節目受歡迎，連帶他也經常被街坊追問節目內容。雖然節目結束，但不排除有朝一日再聚：“停一停，行各自的路，可能一年半載後再聚做節目，未必唔係好事。其實我哋有好多構思，但需要時間再將想法精簡。”
陳國峰則開心宣佈喜訊：“老婆懷孕四個月，第二胎都係仔。我同老婆都鍾意生仔，兩個夠晒數，好事成雙，唔追個女喇，未來要多拍劇、搵奶粉錢。”