羅仲謙承認當年跳海示愛
汪明荃、森美及余德丞主持《娛樂大家》前晚播出新一集,新劇《木棘証人》一眾演員羅仲謙、張秀文、張曦雯等做嘉賓。謙仔自揭當年為打動楊怡芳心,不惜在寒冬下“跳海”示愛,結果成功贏得美人歸。
謙仔在“真假話題”環節上開出的題目是“曾為追女仔深夜冬天跳海”,他自爆當年與楊怡合作劇集《On Call 36小時》互生情愫。為了追求阿怡,答應女方深夜跳海。謙仔尷尬地自揭瘀事:“當時與阿怡在沙灘散步,坐下聊天時,阿怡戲言若我敢跳落海,便答應做我女朋友。她睇唔出我夠膽跳。我自恃泳術不錯,驚甚麼,來就來吧!便由岸邊游到浮台。”
阿姐忍不住說:“我同阿怡飾演過兩母女,知她好任性。”但聽到阿謙跳海可獲阿怡答應做女友時,她即說:“咁抵啦!你係教練識游水,冬天有乜所謂!深夜更加好,無人睇到,跳海難唔到你。”
謙仔表示當時由岸邊游到浮台,在浮台上向阿怡高喊:“你可唔可以做我女朋友?”那麼阿怡滿不滿意他的表現?謙仔口窒窒地說:“最蝕底就係……滿不滿意?我都唔知,但佢冇應承做我女友,亦冇錫我一啖,我游完默默便走了。”全場驚訝,阿姐很了解阿謙似的說:“你真係好鍾意阿怡啦,我信羅仲謙,佢係一個老實的人。”嘉賓之一的張秀文就覺得謙仔做漏一件事:“唔應該被拒絕後便走人,應該攬實阿怡錫佢!”謙仔回應說:“咁就變了色狼了!”全場笑爆。