新片連續入圍三地影展
溫碧霞喜捧金雞獎
溫碧霞(Irene)前日在廈門出席金雞百花獎,其主演的新片《嫌疑者說》撼低三百多部參選電影,成功入選十大“優秀影片”,並繼之前入選絲綢之路電影節後,打入了十一月底舉行的米蘭電影節。
溫碧霞前日出席在廈門舉行的一年一度內地影壇盛事金雞百花獎,由她主演的新片《嫌疑者說》撼低三百多部參選電影,成功獲選為十大“優秀影片”其中之一。更令Irene開心的是該片繼之前入圍絲綢之路電影節之後,也打入了本月底在意大利舉行的米蘭電影節。
盛裝出席的Irene手捧獎座,興奮地恭喜劇組:“真係好犀利,替劇組感到好開心,連續入選三大影展!其實在金雞百花獎三百多部候選電影中,好多有很高水準,入選的其餘九部優秀電影都好高質素。《嫌疑者說》所有幕前幕後都好努力同認真,不枉全組人員付出的一切。”
談到拍攝該片的難忘事情,Irene表示:“回想當日拍《嫌疑者說》,大家都好辛苦!在落雪嚴冬天氣之下遠赴烏魯木齊拍攝,開拍第一天因為太冷,我因為未適應而冷病,以致發高燒。但只休息了一日,翌日馬上抱病繼續開工。”但Irene表示完全不覺得辛苦,反而更加投入角色:“當時天氣真係好凍,對腳好似結咗冰咁冷,全身貼滿暖包都冇用。不過病咗反而更加投入角色,我的角色要素顏,要完全唔化妝,因為牽涉入一宗案件,我要好崩潰及傷心,情緒完全配合晒劇情。劇組買咗藥畀我食,拍咗兩日就好返晒,完全唔覺得辛苦。”