朱晨麗自詡網購能手
無線台慶劇《多功能老婆》即將開播，“朱朱”朱晨麗在劇中飾演一名靚太，鍾意購物、買衫、修甲、美容，特別鍾意敷面膜，成日買好多新款面膜同姊妹分享，就算唔鍾意都要迫姊妹試用。平時係慳妹的朱朱，在劇中一嘗購物狂滋味，更可以乘機敷面膜美容，所以拍得好開心。
講到扮靚，原來朱朱亦好鍾意網購，而且係格價專家，自爆是網購能手。朱朱笑說：“上網購物平好多，好多時拍劇未埋位時未有事做，我就會上網買衫。主要買來平時做訪問、出席活動、商演時穿，我唔一定買名牌，因為上網買衫又靚又平。最緊要唔使出街，拍劇太忙，藝人根本冇時間逛街買衫。就算出街，都係極速Shopping，我會一早搵定目標，睇準晒款式、顏色、尺碼，查定店舖位置存貨，去到店舖就會即買，好快手，試都唔使試，買完就跳上車走人。”