江欣燕熒幕初吻獻劉德華
無線新劇《失憶24小時》正在開拍中,有份演出的江欣燕,昨日返電視城開工。欣欣受訪時透露自己在戲中演一個的士司機,她笑言:“我第一次演的士司機,都幾有新鮮感。而且這個角色真係好好玩,但就要事先熟習一些的士行內的術語,好似‘氹咗轉入環保大道,做完泥鴨仲要裸跑’,起初真係唔知乜嘢意思。經了解才知道係話部的士載客入環保大道,搞到污糟晒,仲要冇回頭客,要空車出返去。”
另外,欣欣又透露日前已拍了一場與飾演她前夫的張達倫的錫面親熱戲,她笑言:“我從未試過被鬍鬚男錫面,拍完之後,塊面紅晒又好痛。(這是你的熒幕初吻?)不是,我的熒幕初吻好多年前已獻給了劉德華,當時我只得廿一歲。”