關楚耀回望人生谷底
娛樂記者!世上最有義氣的一群。“校長”譚詠麟的契仔關楚耀講的。十年前瘀事,至今刻骨銘心的日本藏毒被捕,“返港後,許多朋友都冷淡咗;但亦有一批朋友關心我,特別係許多記者朋友,對我不離不棄,不時約我食飯,短訊緊密聯絡,好支持我……”
日本落難,見識了人情冷暖,關楚耀點滴在心頭。“記者朋友好惜我”之外,“特別係我媽咪,呢件事令佢有情緒病,要去睇心理醫生。從此,母子關係親密無間,感恩屋企人仍然支持我。”
十二年前,出道橫掃各大頒奬禮的新人奬,關楚耀鋒頭一時無兩,猝然一宗負面新聞,事業直插谷底。“想過一走了之,返回加拿大……難捨家人、事業、朋友,都在香港,堅持十年了……呢段時間,才感覺生活最艱難,因為我係大仔,要養屋企。出道時候,爹哋的生意尚算可以,呢方面壓力不大。但近兩年來,眞係要諗計賺錢養屋企。”關楚耀的父親關維麟,乃唱片界老行尊,曾是寶麗金亞太區總裁,亦是譚詠麟、鄧麗君的唱片監製。關楚耀的二伯父是泰迪羅賓。出入關家作客的大明星有徐小鳳、張學友等等。生長在歌壇世家的關楚耀,得天獨厚,一鳴驚人之後,一“毒”自毀前程。
“現在,我看到陳柏宇的幸福家庭、事業的成功,我會心酸欲淚。”關楚耀無限感觸——“同期歌手中,我與陳柏宇最好朋友。見他幾年來的進步。九展開騷、紅館開騷、出新碟……見佢咁成功,好開心,亦好心酸。當年,我哋小朋友時候的共同夢想,是一起紅館開騷的呀。我!至今仍是夢想。”
在《特技人》劇集演導演角色後,關楚耀愛上了演戲;進入角色便忘記自己了。最近,他和邵氏簽約,未來計劃向電影界發展。歌手出身的他,還會繼續唱下去的。十年一夢,好不容易又等到時機,從頭來過。“我相信呢段時間,香港各行各業都艱辛的。冇嘢嘅,壓力,是工作動力,令我有更多諗法,搵新突破。”
高 梁